Shatdhaut Ghrita – A natural, cooling, and nourishing moisturizer

हिवाळा आल्यानंतर सर्वात जास्त त्रास देणारी गोष्ट म्हणजे त्वचेचा कोरडेपणा. चेहरा, हात-पाय, ओठ, कोपरे—सगळीकडे ताण जाणवू लागतो. मार्केटमध्ये अनेक क्रीम-लोशन्स उपलब्ध असले, तरी आयुर्वेदात वर्णन केलेले शतधौत घृत हे एक अत्यंत प्रभावी, नैसर्गिक आणि रसायनमुक्त मॉइश्चरायझर आहे.

शतधाौत घृत म्हणजे शंभर वेळा धुतलेले तूप, आणि हाच प्रक्रियेचा गाभा त्याला विशेष गुण देतो.

शतधौत घृत म्हणजे काय?

१.तूप १०० वेळा थंड पाण्याने धुतल्यावर त्याची संरचना बदलते.

२.धुतल्यावर तूप मृदू, थंड, क्रीमी आणि त्वचेत लगेच मुरणारे बनते. यामुळे:

३.तूपाची उष्णता कमी होते,त्याची शीतल, रुक्ष त्वचा शांत करणारी गुणवत्ता वाढते,तूपातील पोषक घटक त्वचेमध्ये खोलवर शोषले जातात.

हिवाळ्यात शतधौत घृत का वापरावे?

१. खोलवर पोषण (Deep Moisturization)हिवाळ्यात त्वचेतील ओलावा वेगाने कमी होतो. शतधौत घृत चेहरा आणि शरीराला खोलवर पोषण देऊन त्वचा मऊ ठेवते.

२. कोरडी, संवेदनशील त्वचेसाठी उत्तम रसायनमुक्त असल्याने ॲलर्जी, लालसरपणा, खाज कमी करण्यात उपयोगी.

३. त्वचेची जळजळ, क्रॅक्स कमी करते.हात-पायांना होणारे क्रॅक्स, ओठ फाटणे, नाकाभोवती होणारी सोलणे यासाठी उपयोगी.

४. बाळांची त्वचा मऊ ठेवते मुलांच्या रूक्ष व कोरड्या त्वचेसाठी सौम्य आणि सुरक्षित.

५. अँटी-एजिंग फायदा- त्वचेतील कोलेजनला सपोर्ट देते, सुरकुत्या कमी दिसतात, ग्लो वाढतो.